Լրացուցիչ տեղեկությունների համար գրի’ր մեզ, կամ պարզապես միացիր Ֆեյսբուքի մեր խմբին`
Tag Archives: ՄԱՆԱՆԱ
ԱՌԱՋԻԿԱՅՈՒՄ ԿԱՐՈՂ ԵՍ ՄԱՍՆԱԿՑԵԼ
«ՄԱՆԱՆԱ» ծրագիրն առաջիկա օրերին…
Սիրելի‘ երիտասարդ
Առաջիկա օրերին «ՄԱՆԱՆԱ» ծրագրի շրջանակներում դու կարող ես մասնակցել հետևյալ հանդիպումներին և քեզ հետաքրքրող հարցերի պատասխանները գտնել Հայ Առաքելական Սուրբ Եկեղեցու հոգևորականների օգնությամբ:
Մայիս 20, ուրբաթ, ժամը 18:30
Էջմիածնի Ս. Հռիփսիմե վանքի սեղանատուն
թեման` Ծանոթություն «ԾՆՆԴՈՑ ԳՐՔԻ» հետ
բանախոս` Նարեկ սարկավագ Պետրոսյան
Մայիս 21, շաբաթ, ժամը 14:30
Էջմիածնի Ս. Գայանե վանքին կից սրահ
թեման` «ԲԱՐԵՊԱՇՏԱԿԱՆ ՍՈՎՈՐՈՒԹՅՈՒՆՆԵՐ»
բանախոս` Կարեն սարկավագ Թորոսյան
Մայիս 22, կիրակի, ժամը 14:30
Արգավանդի Սուրբ Սարգիս եկեղեցու երիցատուն
թեման` «ՁԵՌՆԱԴՐՈՒԹՅԱՆ ԽՈՐՀՈՒՐԴ»
բանախոս` Էմին սարկավագ Խաչատրյան
Մայիս 22, կիրակի, ժամը 14:00
Մալաթիայի Սուրբ Աստվածածին եկեղեցուն կից սրահ
թեման` «ԱՂԱՆԴՆԵՐԻ ՔԱՅՔԱՅԻՉ ԳՈՐԾՈՒՆԵՈՒԹՅՈՒՆԸ»
բանախոս` Ալեքսանդր Ամարյան, «Քայքայիչ պաշտամունքներից տուժածների օգնության և վերականգնողական կենտրոնի» նախագահ
Մայիս 22, կիրակի, ժամը 15:00
Նոր Նորքի Սուրբ Սարգիս եկեղեցու երիցատուն
թեման` «ՍՐԲԱԶԱՆ ԱՎԱՆԴՈՒԹՅՈՒՆ»
բանախոս` Արսեն սարկավագ Զոհրաբյան
Մայիս 23, երկուշաբթի, ժամը 18:30
Էջմիածնի Սուրբ Աստվածածին եկեղեցի
թեման` «ԸՆՏԱՆԻՔ և ԱՄՈՒՍՆԱԼՈՒԾՈՒԹՅՈՒՆ»
բանախոս` Արտակ սարկավագ Ղևոնդյան
ՄԱՆԱՆԱ ծրագրի քննարկումներին կարող ես մասնակցել նաև`
* Երևանի Ս. Գրիգոր Լուսավորիչ Մայր եկեղեցում` ամեն երեքշաբթի, ժամը 18:30-ին
* Օշականի Ս. Մեսրոպ Մաշտոց եկեղեցու կից սրահում` ամեն շաբաթ, ժամը 15:00-ին:
Լրացուցիչ տեղեկությունների համար գրի’ր մեզ, կամ պարզապես միացիր Ֆեյսբուքի մեր խմբին` ՄԱՆԱՆԱ ծրագիր
Իսկական տոն, որ մեզ պարգևեցին «ՄԱՆԱՆԱ» ծրագրի մասնակից երիտասարդները
2011թ. մայիսի 7-ին Երևանի Նարեկացի Արվեստի Միությունում տեղի ունեցավ «ՄԱՆԱՆԱ» երիտասարդական-քրիստոնեական ծրագրի Սուրբ Գայանե վանքի խմբի կազմակերպած ներկայացում-բեմադրությունը` նվիրված Սուրբ Հարության տոնին: Այն, ինչ ներկաները վայելեցին, աննկարագրելի հռճվանք և հուզմունք պատճառեց ամենքին:
Բանն այն է, որ Էջմիածնի Ս. Գայանե վանքում անցյալ տարվա սեպտեմբեր ամսից Արթուր սարկավագ Սարգսյանի կողմից իրականացվում է «Մանանա» ծրագիրը: Էջմիածնում և Երևանում ապրող երիտասարդ տղաներն ու աղջիկները ծրագրի ընթացքում հնարավորություն են ունեցել ծանոթանալու նախ միմյանց, ապա Հայ Առաքելական Սուրբ Եկեղեցու մի շարք հոգևորականների հետ: Ստեղծված ջերմ ու բարեկամական մթնոլորտում ամեն շաբաթ հետաքրքիր մի նյութի շուրջ քննարկում են ունեցել, մասնակցել ուխտագնացությունների և այլ միջոցառումների: Եվ այսպես ինն ամիս շարունակ… Հայտնի է, որ շատերն առաջին անգամ հոգևոր այս զրույցների ժամանակ են անդրադարձել իրենց և Աստծո հարաբերություններին: Առաջին անգամ մտածել իրենց հավատքի մասին: Եվ ինն ամիսը, բոլորին է հայտնի, բավական ժամանակ է, որ մարդ կարողանա ծնունդ տալ նոր կյանքի: Այդ օրը երիտասարդներն ինն ամսվա ամբարած հոգևոր գիտելիքները կյանք դարձրած` Նարեկացի արվեստի միության փոքրիկ բեմից վերադարձրին մարդկանց` իրենց ծնողներին, հարազատներին և Աստծուն: Այդ օրն ասես Ս. Գայանե վանքի երիտասարդները հաշվետվություն էին տալիս աշխարհին:
Բեմի վրա նախ խառնաշփոթ էր, որովհետև Սերը (Գոհարիկ), Խաղաղությունը (Անահիտ), Առողջությունն (Շուշան) ու Կյանքը (Քրիստինե) վիճում էին միմյանց հետ, թե իրենցից ով է ամենակարևորը` ամենամեծը… ճիշտ այնպես, ինչպես ժամանակին առաքյալները…: Քիչ անց, սակայն, բեմի վրա հայտնվեց Ճշմարտությունը (Աստղիկ) և կռվարար աղջիկներին բացատրեց, որ նրանք վիճաբանելու փոխարեն պետք է հանդես գան միասնաբար և դառնան կատարելություն:
Աստղիկն օգնության կանչեց առաքինություններին և բավական ջանքեր թափելուց հետո կարողացավ հաշտեցնել կռվարար քույրիկներին:
Իմաստությունը Սոսեն էր, Խոնարհությունը` բեմի միակ տղամարդը` Մանվելը, Թամարան` Ազնվությունն էր, Սիրանուշը` դատավորի մուրճով Արդարությունը, իսկ Մարինեն` Բարությունը: Այս առաքինությունները վիճաբանող քույրերին մարդկային լեզվով պատմեցին Աստվածորդու` Հիսուս Քրիստոսի մասին: Նրանք ասացին, որ Սերը, Խաղաղությունն, Առողջությունն ու Կյանքը առանձին-առանձին չեն կարող փրկել մարդուն, մարդուն կարող է փրկել միայն Աստված` Հարուցյալ Քրիստոսը:
Բայց ավելի լավ է ինքներդ դիտեք Արթուր սարկավագի հեղինակած այս փոքրիկ պատմությունը, որը մարդկությանը հայտնի ամենահին ու հանճարեղ սցենարի մի յուրօրինակ վերաներկայացումն է, սցենար, որ հեղինակել է նույն ինքը` Երկնքի և Երկրի Արարիչը, մեզ փրկելու և հավիտենական կյանքի արժանացնելու համար: