RSS

ՀԵՌԱՑՈՒՄԻ ԱՂՋԻԿԸ

02 May

(Ֆիլիպ Տոպոլ)

Դու հեռացումի աղջիկն ես,
քեզնից ճանապարհի հոտ է փչում,
գնացք ես, ինքնաթիռ, նավ ես կամ քամի,
եկել ես ու կհեռանաս:
Մեր միացումը մի փոքրիկ ռեքվիեմ էր:
Տերևներն ընկնում էին, արևը կուրացնում էր,
իսկ քաղաքը կանգնել էր հսկումի:
Այդ պահին չէի կարող ու չէի ուզում տեսնել ոչ ոքի,
փակվել էի ինքս իմ մեջ,
իսկ դու հեռվում էիր,
գլուխդ օրորելով զանգահարում էիր:
Քո այդ հեռվում դու թևեր ես ունեցել,
շողշողուն թևեր.
հրաշք կլիներ` գլուխս դնել այդ թևերի վրա,
բայց դու հեռացումի աղջիկն ես,
ու մեր միացումը մի փոքրիկ ռեքվիեմ էր:
Դու հիմա այստեղ չես,
ու ես վերադառնում եմ անվերջ այդ տոնին,
այդ տարօրինակ ներդաշնությանը,
որ փշրվում էր օդում,
ինչպես տերևն է օրորվելով ընկնում:
Հուսով էի, որ չի հնչի ռեքվիեմը,
որ չեմ հասցնի մոմ վառել անգամ
իմ գերեզմանին.
չեմ հասցնի, ո’չ,
բայց քեզ համար կվառեմ.
քո հաջորդ հարսանիքին,
քո հաջորդ քաղաքում,
քո հաջորդ հեռախոսազանգում,
քո հաջորդ ռեքվիեմում,
քո հաջորդ հեռացման մեջ…

Circle.Am: Rating and Statistics for Armenian Web Resources
 

Պիտակներ՝ , , ,

Թողնել պատասխան

Fill in your details below or click an icon to log in:

WordPress.com Logo

You are commenting using your WordPress.com account. Log Out / Փոխել )

Twitter picture

You are commenting using your Twitter account. Log Out / Փոխել )

Facebook photo

You are commenting using your Facebook account. Log Out / Փոխել )

Google+ photo

You are commenting using your Google+ account. Log Out / Փոխել )

Connecting to %s

 
%d bloggers like this: